Is a very hard thing to please a society like Guyana own. Is even more bad when you got a newspaper or a media house. You does pour you heart out and try you best to be balanced and even square but always cuss you.Dem boys seh that de Waterfalls paper does get cuss every single day from every single party and race. Even people wid no race and colour cussing de paper.This election dem boys get nuff cuss although dem try dem best to give fair coverage both in de news and in de pictures.When dem put de Pee Pee Pee picture over Hapnew all dem Hapnew people cuss de Waterfalls paper. Dem asking why dem got to be at de bottom of de Pee Pee Pee.When dem boys put Hapnew at de top de Pee Pee Pee people call and cuss. Dem want know why dem got to deh at de bottom.When dem boys put dem side by side, dem still cuss, dem want know why dem deh pun de right hand or pun de left hand. Dem does even seh why dem got to deh next to one another.After all de cussing dem boys decide last night fuh spin a coin. Today is de last day fuh carry political picture pun de front page. Dem boys know was de last day fuh de political campaign suh dem had to carry campaign photos.Before de coin spin dem boys decide that heads gun be Pee Pee Pee and tails gun be Hapnew Hay Heff See.Benschop seh that he got to get involve because he too does cuss dem boys because dem don’t seh nutten bout he paaty.Saphier Husain who got he paaty had to get he name involve. Benschop spin and Husain call head. De front page photo tell people who win.Jimmy de Carter staying at de Pegasus. When dem boys hear that,Cheap NFL Authentic Jerseys, dem want to know if he spin a coin to decide whether he gun stay at de Barriott or at de Pegasus.Dem boys hear that he is a man who don’t want nutten to do wid anything that suggest, or even hint that it built in de midst of corruption. He is always a man of good standing and recognized for honesty and decency all over.Dem boys want to believe that he smell something rotten.Talk half and hope Steve don’t have to spin a coin fuh tell Guyana who win de election.
歡迎光臨 game high遊戲論壇 (http://webmail.uflashgame.com/discuz/)
